Գլխավոր

Պեմզաշենում օդը խեղդում է․ Հանցագործն ազատության մեջ է. Ինչ վարկածներ են առաջ քաշվում.Նոր Մանրամասներ

Պեմզաշենում առեղծվածային սպանությունից հետո գյուղում վարկածները իրար հերթ չտալով ավելանում են, բայց մեղավորին գտնել և առհասարակ՝ հանցագործության պատճառը հստակ իմանալ դեպքից երկու օր անց էլ չի հաջողվում։

Վարկածներ կան, թե հանցագործն ընտանիք մուտք ու ելք է ունեցել, հետևաբար, ծանոթ կամ հարազատ մեկն է, այլ տարբերակ էլ կա, թե հոգեկան խնդիրներ ունեցող անձ է տուն ներխուժել։

MediaHub.am-ի հետ զրույցում պեմզաշենցիներից մեկը պատմեց, թե գյուղում քիչ հավանական են համարում հանցագործի հոգեկան հիվանդ լինելը, ասում են՝ նման մարդն այսքան պլանավորած ու առանց հետք թողնելու չէր հեռանա։
«Դուռը փակել է, բանալին հետը տարել։ Հոգեկանն այսքանը կանե՞ր, չեմ կարծում»,-պատմում է նա ու հավելում, որ գյուղղում չի ճանաչում մեկին, որ կգնար այս քայլին։

Գյուղացիները խուճապահար են, բոլորի դռները՝ կողպված, հանցագործը բացահայտված չէ, ով իմանա, թե մի գիշեր էլ չի որոշի ուրիշի տուն մտնել։ Թշնամու դիվերսիայի տարբերակն էլ չեն բացառում. սահմանից հեռու են, բայց սա էլ խոսակցություն է, որ օդում կախված է՝ չհերքված ու չհաստատված։

«Չէ, դե, ախր ի՞նչ դիվերսիա»,-ասում է պեմզաշենցիներից մեկ ուրիշը։

«Հանելուկային դեպք է, ում երևակայությունը որքան հերիքում է, այնքան տարբերակ է ասում»։

Ընտանիքը պարտք չի ունեցել, ամեն դեպքում, ոչ ոք այդպիսի տեղեկություն չունի, գյուղում գողության վարկածը բացառում են։

Սպանված կնոջ ամուսինը, երեխաների հայրն արդեն ՌԴ-ից վերադարձել է, գյուղացիներն ասում են՝ ինքն էլ է պարտքի տարբերակը բացառում, որովհետև կինը կարող էր ասել, ինքն էլ գումար կուղարկեր։

«Էդ մարդուն էլ շատ են տանում, բերում, հազիվ ենք տեսնում, երկու բառ փոխանակում։ Գյուղացիներին էլ օրվա ընթացքում ոստիկաններն այցելում են, հարցեր տալիս, բոլորի տներն էլ մտնում են։ Գիշերն էլ գյուղում հերթապահություն են իրականացնում»,- պատմում է գյուղացին։

Պեմզաշենում օդը խեղդում է, արտասովոր լռություն է, որ երբեք գյուղում չի եղել։ Զարինեի ու երկու անչափահաս երեխաների սպանությունը մարդկանց առօրյան շեղել է միայն մտածմունքների ուղղությամբ․ ո՞վ և ինչո՞ւ, կամ առհասարակ ինչպե՞ս կարող էր բանական մարդը խոշտանգել ու սպանել երեխաներին։

Հանցագործն ազատության մեջ է, երեխաներն էլ սարսափով են գնում դպրոց, վախվորած են քայլում փողոցներով. դասընկերները չկան, նրանց սպանողն էլ ազատության մեջ է։

Related posts

Գրանդ հյուրանոց. Բացառիկ մանրամասներ

admin

Խորին ցավակցություներս Սեյրան Օհանյանին…5 Րոպե առաջ.Բոլորը հիմա սա են դիտում..

admin

Հայեր ջան ուշшդիր լսեք…քիչ առաջ սա հայտնվեց համացանցում…Սա պետք է տեսնեն բոլորը

admin

Leave a Comment