Գլխավոր

Շրջանառվում է փաստաթուղթ, իբր Հայաստանի ու Ադրբեջանի միջև ձեռք բերված պայմանավորվածությունների մասին


Շրջանառվում է փաստաթուղթ, իբր Հայաստանի ու Ադրբեջանի միջև ձեռք բերված պայմանավորվածությունների մասին
Պրոռուսական ալիքներով արդեն մի քանի ժամ է մի փաստաթուղթ է շրջանառվում, որը եռակողմ բանակցությունների շուրջ պարտավորություններ է իրենից ենթադրում։ Այս մասին գրառում է արել Ազգային ժողովի «Լուսավոր Հայաստան» խմբակցության նախկին պատգամավոր Աննա Կոստանյանը:
Նա մասնավորապես գրել է.
«Հիշում ենք՝ սեպտեմբերի 27-ին ԱՄՆ Ազգային անվտանգության հարցերով խորհրդական Ջեյք Սալիվանի նախաձեռնությամբ Հայաստանի Անվտանգության Խորհրդի քարտուղար Արմեն Գրիգորյանը Սպիտակ տանը հանդիպել էր Ադրբեջանի նախագահի օգնական Հիքմեթ Հաջիևին։

Ըստ այս շրջանառվող փաստաթղթի՝ ձեռք է բերվել պայմանավորվածություն, որով Հայաստանն ու Ադրբեջանը մինչև տարվա վերջ պետք է ավարտին հասցնեն խաղաղության համաձայնագրի շուրջ բանակցությունները, ավարտեն դելիմիտացիայի գործընթացը, իսկ Ադրբեջանը պետք է ներկայացուցիչ նշանակի, որը կաշխատի Արցախի հայկական էթնիկ համայնքի (ուշադիր ձևակերպմանը) կողմից նշանակված ներկայացուցչի հետ՝ քննարկումներ իրականացնելով Արցախի քաղաքացիների իրավունքների և անվտանգության հարցերի շուրջ։ Սա նշանակում է, որ Հայաստանն ամբողջովին ու վերջնական միայնակ է թողնում Արցախն ու նրա բնակիչներին՝ իրենց վերաբերող խնդիրների լուծման մեջ։

Այս փաստաթուղթը, որն ըստ էության նշանակում է Ռուսաստանի ամբողջական դուրս մղում տարածաշրջանում Հայաստան-Արցախ գործընթացների տիրույթից, ամբողջովին կտրում է Հայաստանին Արցախի հարցի հետագա զարգացումներից։ Ու եթե այս փաստաթուղթն իսկապես գոյություն ունի, ողջ հայությունը պետք է դիրքորոշում հայտնի՝ արդյոք համաձա՞յն ենք մենք Հայաստանին պարտադրվող ամբողջական կապիտուլյացիայի և Արցախը Հայաստանից հիմնովին անջատելու հետ, թե ամեն դեպքում կկարողանանք կամքի ուժ ու համարձակություն գտնել մեր մեջ՝ ասելու ոչ այս իշխանության պարտադրած ազգակործան քաղաքականությանը։ Սա մեզ պարտադրած աղետի վերջին փուլն է․ գոյություն կունենա՞նք մենք որպես արժանապատիվ ազգ, թե ոչ, կախված է մեզանից յուրաքանչյուրից»։

Auroranews.am-ը փորձում է կապ հաստատել կոմպետենտ ՀՀ պետական գերատեսչությունների հետ` շրջանառվող փաստաթղթի մասին տեղեկատվություն ստանալու համար: Տեղեկություն ստանալուն պես` կհաղորդենք:

Related posts

Ինչպես է Մալենան ընկնում բեմից և կոտրում ձեռքը

admin

Սա պետք է բոլորը իմանան գործը պետք է բացվի. 5մլն ով առել են 133 մլն վաճառել տեսեք թե ով..

admin

Բացառիկ մանրամասներ.Ի՞նչ են պատմել հարևանները` Պեմզաշենում դաժանաբար սպանված աղջկա ընտանիքի մասին…

admin

Leave a Comment